De Auskunft

Wie Pietsch Amand amol em Uustern

Katoffan stecka fleißig  toat,

Koam of´m Wääje rausgeganga

A Herr aus ääner gruußa Stoadt.

Daar soach a beßla zu on freete

A Pietsch asuu em ollerhand,

Denn schließlich woar daam guuda Moanne

Vo Pauerarbt nee viel bekannt.

On wie  a goar sich dann nooch wondert,

zu woas de korza  Forcha wärn,

Stoach Amandan aa glei der Hoawer,

On treueje määnt a zu daam Herrn:

" Nuu sahn se, of a langa Forcha

Doo breng  mer Schoalkatoffan uuf,

On off de korza datt om Eande,

Doo komma Brootkatoffan druuf.

On dann de Walze datt beim Wääje,

Die brauch mer aa nooch nababei,

Doo mach mer baale schon doo haußa

A ferticha Kartoffelbrei !"

                                                          Georg Hartmann

 

 



 

     Der Pfarrer und der Stonsdorfer 

Am Fuße des Riesengebirges liegt das Städtchen Hirschberg mit seinem in unmittelbarer Nachbarschaft gelegenen Kunnersdorf. Hier war es, wo der berühmte „Stonsdorfer" bereitet wurde, ein Kräuterlikör, der besonders bei Magenverstimmungen angebracht war. Da man von dem Stonsdorfer sagen konnte, er sei lieblich anzusehen und noch lieblicher zu trinken, so ist es nicht weiter verwunderlich, daß die Kunnersdorfer selbst zu den eifrigsten Verbrauchern ihres gepriesenen Erzeugnisses gehörten. Nun begab es sich einstmals, daß ein neuer Pfarrer nach Kunnersdorf kam, dem die große Zuneigung seiner Pfarrkinder zu ihrem heimatlichen Erzeugnis nicht verborgen bleiben konnte. Und da er ein Abstinenzler oder zumindestens ein Temperenzler war, so begann er von der Kanzel herab gegen Alkoholmißbrauch zu sprechen. Das aber wiederum behagte den Kunnersdorfern nicht, nein, bei aller Liebe zu ihrem neuen Pfarrherrn, der sich sonst ausgezeichnet mit seiner Gemeinde verstand, das behagte ihnen ganz und gar nicht. Und als eines Sonntags wieder einmal eine vergnügte Runde im Gerichtskretscham zusammen war und die Stonsdorfer Flaschc fröhlich kreiste, da wurde beschlossen  was sich einige Tage dann wie folgt ereignete: Als nämlich der Pfarrherr an einem schönen Abend den Feldweg entlangschritt, der hinter den Besitzungen zwischen Gärten, Feldern und Wiesen sich hinzog, sah er an einem Zaune einen alten Mann sitzen, der herzzerbrechend weinte. Der Pfarrer, der glaubte, daß hier geistlicher Trost am Platze sei, trat hinzu und sagte: „Aber Vatel, was ist Euch denn? Warum weint Ihr so? Kann ich Euch helfen?" „Ne, ne", war die verzweifelte Antwort, „mer koann ken Mensch nich helfa; mir nich!"  „Aber warum denn nicht", begütigte der geistliche Herr, „mir könnt Ihr doch Eueren Kummer anvertrauen. Ich bin doch Euer Seelsorger. Kennt Ihr mich nicht?" „Ju, ju, Herr Pforr, iech kenn Ihnen schon. Oaber helfa kenn Se mir ebenst doch nich, nämlich weil mich mei Voater asu verpucht verdroscha hoat." „Weil, . .. wer . . . was hoat?" „Nu ebenst mei Voater, der hoat mieeh verdroscha, verpriegelt, verschluckt hoat er miech!" „Euer Vater?... Ja, aber wie alt seid Ihr denn eigentlich, und wie alt ist euer Vater", fragte kopfschüttelnd der Pfarrer. „Iech bin eim zweeundsibzigsten Joar, und mei Voater ies im Aprille 98 gewast." „Und Euer Voater hat Euch verprügelt? Aber warum denn in aller Welt?"  „Nu sahn Se ock, Herr Pforr, doas woar nämlich asu: Woasde mei Grußvoater ies, dar ies jetzte schunt a wing toaprig geworn, und dar muß ich´n immer gängeln, wenn de Sunne scheint und da hoab ich´n heute falln gelohn, un da hoat mich Voater asu roasnig verdroscha."  „Was", staunte der Pfarrer, „Euer Großvater lebt auch noch? Wie alt ist denn er?" „Asu genau weeß ar doas salber nich meh, Herr Pforr", war die Antwort, „oaber so im de 124 rimm werd a wohl sein."Der Pfarrer war zunächst sprachlos, dann aber sagte er: „Ihr Leute, ihr Leute, wie alt werdet ihr doch alle. Wie ist das nur möglich?" „Ja, sahn Se ock, Herr Pforr", meinte der Alte, und nun waren die Tränen versiegt, und während er eine Flasche aus der Brusttasche holte, blitzte der Schalk in seinen Augen, „sahn Se ock, Herr Pforr, doas ies blosig asu, weil me und mehr nahm ofte amal den richtiga Schluck von unsen guden, guden Stonsdorfer!" Der Pfarrer hatte seither nicht mehr über Alkoholmißbrauch gepredigt. 

 
Guuda Oaptiet!
 
s woar ei daar Zeit,wuu`s goar nischt hott
Vo ärjend welcha Hausrootssacha,
Doo wulld`a ostvertriebenerMoan
Sich nooch der Arbt a Fuußboad macha.
 
`s woar ock`n  äänzje Schessel doo,
Die langt a sich vom Schränkla  ronder
On macht  ols wie a Hinnerdieb
Eis Gaatla  henderm Häusla nonder.
 
Kamm hott`a seine Pfuute etz
Eis fresche Woasser  neigehala,
Doo kemmt vo uuba ronder schon
A schoarfer Ton vo seiner Aala :
 
" Mach , doß de endlich färtich wärscht
mit daam verflimmta Remgewoate,
On breng mer glei de Schessel ruff,
 Iech brauch`se neetich zum Soloate!"  
                         
                                                Georg Hartmann
 
 
 
 
         K r o i  z l o a h m
 
Die Pietsch Karliene woar Kroizloahm,
Wie se on zom Dokter koam.
Dar määnte: „ Na, ich wette,
Da hilft nur noch das Wasserbette!“
 
Die Pietschen sääte: “ Och Herr Je!
Fer sechne Nässe bien iech nee!
Die Foichtiechkäät tutt mier nee tieja,
Iech kende volls nooch Rhoima krieja!“
 
Daan Dokter broocht doas nee ei Raasche,
Ar sproach: „ Doas ies wie nee Massaasche!
Ich Schwör Ihnen, daß da nichts passiert,
Wellenförmig wird massiert!
 
Das hilft! Das hilft! Ich sag Ihnen wie!
Gleich drüben in der Therapie!
Und alles, alles ohne Qualen, -
Nur, -  müssen sie das selbst bezahlen!“
 
Die Pietschen sprecht: „Du meine Giete,
Iech hoa doch erscht kä Händtuch miete,
Herr Dokter, nä! Nä, ach Herr je!
On laar ies a mei Portmonnee!
 
Iech hoa känn Zeetscher nee fer‘s Assa,
Der Hausarzt hoot schonn oalls gefrassa,
Der Augaarzt mer’s letzte noahm,
Se macha miech nooch Boitelloahm!“
 
                                                 Erhard Gertler

 

         Besser gewost
 

Die Kastnarn toat siech onderhaala,

Es toat ihr oa a Fissa fahla.

Se kunt kamm laafa, kunt kamm Stiehn,

Der Schmerz toat bes zo a Kniea ziehn.

 

Die Stäänarn, die wost‘ doas genau,

Se woar modärn, on määnte schlau:

„Wenn se on kenna kamm nooch stiehn,

Messa se zom Podologen* giehn!“

 

Doo säät die Kastnarn: „ Och Herr je!

Oam Hendervärtel fahlt mersch nee,

Doas ies woll ganz ei Ordnong nooch,

Es dunnert a gewaltiech nooch!

 

Zom Fissiologen* meßt iech giehn,

Dar kennt vu Fissa woa verstiehn,

Denn wenn a Fissiologe ies,

Watt dar mier halfa, ganz gewieß!“

 

                                                Erhard Gertler

 

 

*Medizinischer Fußpfleger

* Physiologe = Erforscher der Lebensvorgänge

 

 

 

Ei Volperschdroff druba, wuu de Stroaße iewer de Boahnglääse gieht, koam a Moan met ääner Roadwer gefoahrn, groade wo a Gitterzuuj sachte off der Sträcke roangschiarn toat. Der Zuuijfihrer wenkte dam Moanne met oalla beeda Hända, doaß a säll stiehnblein. Daar Moan oaber brommte goanz ruuhech: " Hoa och kää Oangst, iech waar der dei Maschienla ne emfoarn.

 

 

             Ma muuß droa glääba

 

Wie der Herr Pfoarrer ei der Predicht,

Es woar nooch ei der Weihnachtszeit, -

Sänn „ Spendenaufruuf“ doo derleedicht,

Doo woarsch woll a schonn hichste Zeit!

 

„Woas ma doo gitt, doas kemmt zorecke!“

Doas sääta der Gemäände frei,

“Fer oalle ies doas a  a Glecke!”

On ar doocht siech nischt derbei. -

 

Kääner wääß, -  toat ar nooch deuta, -

Woas ons doas Noie Joahr on brängt,

Ar sääte zo daan gloibja Loita:

„Doas oalles oa der Hoffnong hängt!

 

Wenn mier on folja, wie Goots Welle,

Goar enniech hoffa, ju! Ju, dann! …..“

Doo rief a Jengla ei die Stelle:

„Dann wird es wie beim Weihnachtsmann!“

                                                Erhard Gertler

 

 

Eim Wenter kemmt zu am Dokter a Mädla,

die treffta groade bei der Haustiere on  sät

glei,sie sol  sich glei  ausziehn,a  hätt ne viel

Zeit. Wie a nuff koam, soaß se duba, hoatt

de Jacke ausgezähn, a Hutt of´m  Tische  

lieja." Na, wo fehlt´s " frägt  der Dokter.

"Ich wollt amol freen, ob se Putter käfa",

woar de Antwort.

 

 

In H. unterhielt  man sich  bei einem Schmiede

u. a. einmal vom Sterben. Da spricht der Meister:

"Satt, wie woarsch bei me´m Voater, dar fiel

beim Ambosse nem, on wie a ufstien wiel ,

merkt a, doaß a tut ies."

 

 

Der  kleine Seffe wurde in die Wohnstube gerufen,

wo Zwillinge  angekommen waren. Eine Weile sah

er sie an,dann fragte er :" Welcha vo da Kallan

wann mr denn behala"?

 

 

     

 

A  guuder  Hausvoater

 

De Bittner Franzen loach eim Stärba

On  guckte schon eis Himmelsland,

Haar soaß beim Bette und toat baata

On hielt de Kärze ei der Hand.

 

Of äämool donnert´s,- on doo sprecht a:

" Iech waar der etz de Kärze gaan,

Iech muuß vor of de Wiese laafa

On miech  em onser Hei emsahn.

 

On selldste mettlerweile stärba,

Doo bloos mer ja doas Lichtla aus,

Sonst kemmt amende doo eim Häusla

Nooch uubadrauf a Feuer raus !"

 

                                     Georg Hartmann

 

 

 

 

 

Maria Essichkeit

Wie Helmutla doas Baata lannte,

Doo woar a fleißiech miet derbei,

Weil ar’s  Gebaatla nooch nee kannte,

Doo toapst ar halt dernaaba glei.

 

Wie die Mutter inbrinstiech batte:

„Hilf Maria es is‘ Zeit!“

Batt Helmutla  eim Kärchla datte:

„ Hilf Maria Essichkeit!“

 

                                                                                                 Erhard Gertler

 

 

                         A Ständala

 

" War asu äne Gusche hoot wie du,

sell siech mit Joagdhornblosa befoassa",

doas rota Paulan seine Freunde zu, 

on doas tat aach zo ihrer Joagd gutt poassa!

 

Paule fendt dan Gedanka nee schlecht,

kaaft siech a Härnla, derzu die Nota

on iebt dann fleißich, mehr schlecht ols recht,

 on monchmol wiell aach schon woas gerota.

 

Zo Willas Gebortstiche  gibt ar siech änn Stusß,

on wiell dam a Ständala bränga.

Eider Margadämmerong gieht ar lus

on hofft, doaß sei Blosa mächt gelänga.

 

Oalles schleeft noch ei guder Ruh,

ols Paule do schmettert seine Signale;

recht laut, denn die Fanstersein oalle zu !

Do mänt Wille, es wäre die Aale

 

 on rackert techtich oa ihr rem;

oaber die schnorcht, doaß siech die Bolka biega.

Dann prellt ar sie oa: " Reck amol nem,

du mußt woll off onserm Hunde liega.        

 

                                                                           Hermann Günzel               

 

 

 

 

 

 

 

 

Äne leere Drohung

 

 

Eim Wärtshause goab´s ne Keilerei,

on Paule schlug Gustan a Aage raus.

Guste prellte wie a Stier do glei;

" Iech gläb, mit ons beda ies`jetz aus !

 

Du schleest glei wie a Welder zu!

On o doas äne, do denke droa :

Wenn du doas noch amol machst asu,

do guck iech dich nie wieder oa !"

 

                                                                   Hermann Günzel

 

 

 

Kä Wonder

 

Die Olbrichn kemmt vom Wohlfoarta

on sprecht immerfatt verr siech hie:

"jetze koann iech wieder giehn,

jetze koann iech wieder giehn!"

 

Der Pforrer stieht ei sämm Goarta,

dar härt doas, drom freet ar sie:

" Koann ich ihre Rede asu verstiehn

doaß Sie vorher nee kunnda giehn?

 

Ies do etwa a Wonder geschahn?"

Die Olbrichn toat do zor Antwort gahn:

"Näh, mir braucha kä Dankesbeld mola,

mei Foarhrroad, doas honse mier gestohla!"

 

                                                                        Hermann Günzel

 

 

 

 

 

Die Ieberaschung

 

Franze koann doas äne nee verstiehn

- on do knackt ar schon lange droa -

doaß off der Joagd wiell  nischt nimme giehn,

kä Hoase nemmt sei Blei mehr oa.

 

Wie wieder a Joagdtaag gieht verbei,

ohne doaß Franze a Schwänzla siehtt,

gieht ar off häämzu beim Weldhändler nei

on denkt: " Der Frau nahm iech vo do woas mit!!"

 

Än änziga Hoasa hoot noch da Moann,

on dam hoot ar´s  Falla groade oabgezään.

Weil Franzas Ehre sost nischt retta koann,

nemmt ar´n mitt , ohne gruß zo ieberlehn.

 

Derhääme rufft ar seine Frau glei raus:

" Du, heute hoa iech oaber schwer geloada!

Bloß mei Hoase siehtt awing nackich aus;

denn iech ho a ieberrascht beim Boada!"

 

                                                                           Hermann Günzel

 

 

 

 

 

 

Der Stoammbaam

 

Tschee Maxa älster Jonge hotte

´m Bicherlaasa sich verschwoarn

s a Bichern monches Guude,

Verlächt  aa Schlechtes schon derfoahrn.

 

Ei ääner holb zerfetzta Schwoarte,

Doo liest a doch doas äänemool:

Doß glääder Mensch of olle Fälle

Direkt vom Oaffa stoamma sool.

 

Drem freeta korzerhand a Voater,

Daar groade ei de Stube kemmt:

" Der Mensch stoammt - wie ma häärt-

vom Oaffa,

Weßt Ihrsch nee, Voater. ob doas stemmt?"

 

Doo Stoppt de lange Toobakpfeife

Verärjert  sich der aale Tschee

On sprecht dernoocht verbuust zum Jonga:

" Juu, - du verlächt! - Iech oaber nee!"

 

                                                                       Georg Hartmann

Verknucht!

 

Zum Neißer Pfaademoarkte fuhr

Klein Hannes mit semm Schwoocher Schimmel,

Zum Mettichassa ginga se

Ei a bekannta " Bloa Himmel".

Datt oaßa se a Schweinskotlett

Mit Sparchel - nooch der Speisekoarte_

Fer fuffza Bihma - " Oh verknucht!"

Sprecht Klein, daar emmer ganne spoarte.

Oh wie a dann of nauszu gieht,

Doo sittan Zeedel, _ of daam stieht:

" Von elf bis ein Uhr Mittagstisch

Mit Suppe, Braten oder Fisch

Für siebzig Pfennig."_ nu verknucht!"

Sprecht Hannes etz Zum Schwoocher Schimmel,

" Kund mir nee schon em elfe giehn

Ei daan verknuchta " Bloa Himmel",

Zwee Stunda kund mer emmerfatt

Fer sieba Bihma Mettich assa,

Etz hoan mer ei  der holba Zeit

Schon fuffza Bihma gloatt verfrassa!"

 

                                      Georg Hartmann

 

 

 

 Der Scheintote

 

Pietsch ies onder´n Wään gekomma

On leit datt, ols wärsch´verbei,

Eim Kaloppe kemmt der Dokter

On besitt sich Pietschan glei;

 

"Ies a´n tuut?" freet etz de Pietschen,

Die kää extra guude woar,

" Liebe Frau", määnt doo der Dokter,

", Ja es kommt mir ganz so vor."

 

Ei daamselba Aachablicke

Rappelt Pietsch sich uuf zur Nuut,

On a stehnt:" Och nää, Herr Dokter,

Denka´s ock, ich binn nee tuut!"

 

Doch de Pietschen gett dam Tuuta

Glei a rechticha Beschääd:

" Bies bluuß stelle aaler Gamel

Glääbs ock, wenn´s der Dokter säät!"

 

Georg Hartmann

 

 

 

 

                        Falsch verstanden !

 

Der Müller Bauer trifft beim Arzt, seinen alten Spezi Franz.

Eine geraume Weile unterhalten sie sich über

diese und jene Krankheit und vor allem über die Kosten.

Da fragt Franz plötzlich: " Du , Paul, was sagst du denn zu

den I.G.E.L. Angeboten"? Der Bauer kratzt sich den Kopf,

dann grinst er und meint: " Sagt man das jetzt so, ich habe

nichts dagegen, wenn der Igel in meinen Garten macht,

Dünger schadet nie"!

                                                                             Ilonka Reimann

                                                                                                    

 

 

Beim Fotegrafen

 

Boartsch Franz sull sich loon fotegrafieren;

sei Aale beldt´r ei;

drem macht a Sonntichs ei de Stoadt

zum Fotegraafen nei.

"Brust- oder Kniestück?" freechte daar.

Verwondert soach Franz uuf:

"Wenns gieht, do macha se och schon´s

Gesechte aa miet druuf!"

 

                                                                  Robert Karger

 

 

Der orme Sünder

 

Der Schendler- Flääscher, daade sonst

Goar schrecklich kuunde flucha,

Doar toat amool mit seiner Frau

A "Spetzja Barg" besucha

 

Der Toag woar woarm ons ging barguuf,

Der Gauma wurde treuje,

De Schendlern machte varnaweg,

De woar nooch gutt bei Zeuje.

 

A guude hundert Meter woar

Der Wullfährtner derhender,

A koam sich werklich salber vier

Ols wie a ormer Sender.

 

Da koam der ale Wendler Naatz

Vom Felde groade rieber,

Daar määnte:" Haa, woas machst´n du

Eim Posche doo, mei Lieber"?

 

Der Flääscher wescht a Schwääß - on sprecht

On tutt nooch varna zeija:

" Sist Du´s denn nee, woas iech doo mach"?

Ich loaß a Tracha steija!"

 

 

                                                        Georg Hartmann

 

 

 

 

 

 

Of der Treibjocht

 

Pietsch woar a passionierter Jäjer,

A troaf bluuß monchmool vooßich schlecht,

Wenn´s jemand soach,doß a verbeischuuß,

Doo woar doas Pietschan goar nee recht.

 

Amool woar Treibjocht, on ols Treiber

Woar aa derbeine Hofma Paul,

Doas poaßte Pietschan goar nee rechtich,

Denn Hofma hott´a luuses Maul.

 

Wie nuu a schiener,stroammer Hoase

´m Pietsch etzver de Flinte kemmt,

Doo denkt a: Na, daan della Kalle,

Daan traff iech heute ganz bestemmt.

 

A ziehlt on schißt,- on wie der Teifel

Macht Määster Loampe hattich fatt;

Pietsch oaber stiht mit seiner Flinte

Wie a begoßner Pudel datt.

 

Doo sprecht zu Pietschan Hofma Paule:

"Doas ies doch wärklich kääne Oart!

Tutt schnell´n zwetta Schuuß nooch luusloon:

A hoot vom ärschta nischt gehoart!"

    

                                                Georg Hartmann

 

Der schielniche Flääscher

 

Der Haffa Flääscher schielte schrecklich,

Ma woßte nee, wuuhie a sitt;

Daar sulld`amool `n Ocksa schlachta

Beim Kärchapauer Adolf Schmidt.

 

Der Ochse woar a bieses Luder,

On Schmidt blieb naaberm Vieche stiehn,

Denn´s kunnde bei daam ganza Denge

Amende doch woas ärschlich giehn.

 

Der Flääscher hullt etz aus zum Schlaache,

doo plääkt mei Schmidt, ehb´s nooch geschahn

Wellst du datthie schloon, wuude groade

Daan Aachablick host hiegesahn?"

 

"Nu freilich ", sprecht verdutzt derFlääscher,

" Denkst du, doß ärnt dernaaba gieht?"-

" Doo  stell iech miech ",- sprecht Schmidt, " doch lieber

Datthie, wuu etz der Ockse stieht !"

                                                                                                     Georg Hartmnann

 

Der Hoasabroata

 

Ei Glaasdorf woarsch, zum Kärmesfeste,

Beim Schenka hoatt´s `n Haffa Gäste.

Genunk wuur daan aa datt geboota,

Oals Bestes: Enta - on Hoasabroota.

Vom Rickerts aa hoatt´s doo zwee Moanne,

Die schielta längst schonn nooch der Pfoanne,

Aus daar dr viergeschärrte Hoase

Toat sachte kitzan ihre Noase.

Pohl Pergrin määnt: Iech schiss woas droa !"

On Brauner Franz:" Iech schließ mich oa !"

Es mocht da zweea prächtich schmecka.

A jeder toatsich aa " zuudecka "

Zum Schlusse, wie sichs on´s gehäärt,

Wenn ma wuhie zer Kärmes fährt;

Denn, koarz on gutt, die rechtje Lost,

Die kriecht ma ärscht mit recht veel " Prost !"

Do ies doas Deng aa zu verstiehn:

´s toat jeder extra of häämzu giehn.-

Wie se sich wieder traffa toata,

Säät Brauner Franz zu sämm Koamroata:

" Ma macht doch immer wieder n Tomma,

Wie ies  n dir der Hoase bekomma?"

" Zuerscht ganz gutt", lacht Peregrin,

" Bloß wie mer wälla of häämzu giehn,

On nuff zu Schwazersch Peschla komma,

Do hoot doas Biest reißaus  genomma,

Daar woar der oaber eins, zwei, drei,

Bei mir raus on eis Peschla nei !"

 

                                              Robert Karger

 

De Beier Mathelde, de fuhr of dr Boahne

met Huttschachtel, Koffer on Kinderwoane,

ei daam,  do reiste ´s Phillipla,

ei dr Zylindergarage sei Nachttippla.

Denn mußte doas Jengla ärnd amool missa,

do muß sech a Mutter zu halfa wissa.

Ei Landeck stiech zer Oabteiltiere glei

a  Zoaspel Trauerleite ei;

Weiber met Schleian,on Moan fer Moan

brocht´ne Zylinderschachtel oan.

Ei Rengersdorf wuursch zem Emsteicha Zeit,

dr Zug, dar hielt,nu woarsch asu weit.

Weil Mathelde Hände zer Helfe foand,

se baale met oallem oam Boahnsteiche stoand.

Ma soach nooch vo weitem vom Ziegla a Schluß,

do määnte´s Phillipla:" Mama, iech muß ! "

De Schachtel gieht uuf. "Nää, du heilicher Schreck !"

A Zylender woar do,`s Geschärre woar weg !

Se woar wie erstoarrt, doch dann mußt´se lacha;

" Woas warn se of´m Kerchhofe met dam Nachttippla macha?"

 

                                                                                               Rudolf Schwitalla                          

 

Der Lehrer zergliedert den Anfängern die Biblische Geschichte

von der Geburt Mose. Zum Schluß fragt er den kleinen Paul:

" Wessen  Sohn war Moses?" Dieser   antwortet:" Der Sohn der

Tochter Pharao. Da meint der Lehrer:" Das stimmt nicht,die

Tochter Pharao hatte ja bloß den Moses im Schilf gefunden."

Da antwortet der Kleine:" Die säät halt bloß asu."

 

 

Eine staubreiche, stark verunreinigte Kohle

bekamen die Bergleute als Deputat. So ist die Antwort

durchaus verständlich, die ein Bergmann in den dreißiger Jahren beim Luftschutzunterricht gab,

als er auf die Frage " Womit löscht man Brandbomben?"

" Mit Deputatkohle:"

                                                                                    G.H.

 

Bei einer Höflichkeitsunterweisung im Unterrichte,sagt der Lehrer:" Sieh mal, dein Vater sagt doch auch

zu deiner Mutter:" Gib mir bitte  noch eine Tasse Kaffee! Nää, doas säät mei Voater nie, daar sprecht immer:"

Gatt amool noch a Schoale sella Jauche haar!"

 

                                                                                                                           G.H.                         

 

           Schlecht miejlich!

 

`m decka Schweinehändler Lasrich,

Dam woar amool nee gutt änn Taag,

A sprecht zu seiner Ehehälfte:

" Poaß uuf, mich trefft amool der Schlag!"

Doo sprecht de Frau: " Du tommer Dengrich,

Woas redtst`n du mer doo fer Mest?

Wie kennd`n dich der Schlaag woll traffa,

Wu niemools du derhääme best!"

                                      Georg Hartmann

 

Die Roattajoacht

 

Vom Peschka Mooler die drei Stefte,

Die pischperta goar oft mitsoamma;

Doo kunnd ma äne Wette eigiehn

Doas äne Luderei werd komma.

 

Der Bruno; woas der Klännste woar;

Prescht nei zom Mäster: Kommt ock baale!

Eim Scheppla hoots a Roattaoos,

Asu´n gruuße, `n ganz aale !"-

 

Nu muß ma wessa, doaß der Mäster

Hoatt ärjendwu`n Joacht gepacht.

A schuuß Hoasa, Bäcke, Roatta :

Ihm woarsch `m liebsta, wenn`s recht kracht`,-

 

A rieß vom Schrank die Schisse ronder

on lud se orntlich vuul met Schrut.

"Dar wammer etz a Kunza geija!

Die ies beim erschta Schuuß schon tut!"

 

A schliech sich nieber ei´s Gewälbe,

Vär Eifer schlackert´m der Oarm.

A zielte lange, on dann schuuß a

On  machte Aacha, Goot derborm.

 

Die Roatte soaß oa ihrem Flecke,

Die ruhrt sich nee, se rannt nee weg.

"Doas ies mer nooch nee viergekomma,

Ich schiß doch nee mit Koatzadreck!"

 

Die Stefte prellta etz vär Lacha:

" A Mästerschuuß, doas muuß ma sään!

Ock renna kunnde die woll nemme,

Mir hoan se vorher tutgeschlään!"

 

                                                                   Carl Gründel

 

 

 

A monter Pärschla

 

Gustla woar a helles Jengla,

Doas schon monchmool Lunte ruuch.

Äämol woar der Schwastersch Schamster

Bei der Hannla of Besuch,

On de soaßa olle dreie

Of´m Sofa; - doch´s ies kloar,

Doß daar klääne Stäppel Gustla

Rään on schien eim Wääje woar.

Do derwääjen sprecht der Schamster,

Em doas Jengla luuszuwaan:

" Gustlan, kääf der woas zu noascha,

Komm iech waar der´n Bihma gaan!"

On woas määnt´r. Onse Gustla

Sitt sich´s Gräschla freundlich oa

On dann sprechta: " Gest mer nooch ääs,

Loos iech aa´s Rolloo nooch roa!"

                                           

                                            Georg Hartmann

 

 

 

 

De Wärbelsäule

 

Der Lährer hott´eim Onderrechte

Amool vom Reckedroht geredt

On freete dann a Kuschel Jonga,

Woas daar dervoo gemerkt  sich hätt;

 

Mei Kuschla semliert a beßla

On sprecht dernoochert korzerhand;

"Doas Deng, doas ons om Recke langlääft,

Wärd Wärbelsäule  aa genannt.

 

Doas sein a Nääjla Knochawärbel,

On mettadorch doo gieht a Striech,

Ganz uubadroffe setzt mei Steppel,

On ondadroffe doo setz iech!"

 

                                                                Georg Hartmann

 

 

 

 

 

   Truust ei der Stärbestunde

 

De Lachnitt Flääschern loach eim Stärba

On sääte leise ieber ihn:

" Ich muuss vom Laaba Oabschied nahma,

Ich wiel etzt ei a Himmel giehn."

 

Doo kemmts´m feuchte ei de Aacha,

A nemmt se bei der Hand on säät;

" Och, jesses nee, doß du wellst himman,

Doas tutt mer ei der Seele lääd.

 

Ich hoa dich ofte schlecht behandelt

On woar a niederträchtjer Moan,

Doas oaber tu ich der versprecha:

Mei zwettes Weib sool´s besser hoan.!!

 

                                              Georg Hartmann

 

 

Der Tierstemma- Imitator

 

Ei onse Schule koam amool

A Moan viermettichs ei der Pause,

A stellte sich´m  Lährer vier.

" Tierstimmen-Imitator Krause."

 

Daar Moan hott ons viel Spaaß gemacht,

A grunzte, krehte on miaute,

A machte wunderschien anooch

De ollertollsta Viecherlaute.

 

Daarjenje kriejt glää fluggs femf Mark,

-Sprecht onser Wundermoan om Ende,-

Daar ääne äänsje Stemme wääß,

Die a nee imitian kende.-

 

Do stieht mei tommer Nockwer uuf,

A sprecht - on trett mer of de Ziehne.

" Iech teete  ganne amool häärn

Die Stemme änner Eelsardiene!"

 

                                                       Georg Hartmann

 

De Brautschau

 

A Knecht wiel oa de Heiroat giehn

on sprecht speet oomds zum Herrn. "Sie mächta

Mer Ihre Toaschaloampe gaan,

Doß iech mer koan a beßla lächta."

 

Doo sprecht der Härr:" Mei lieber Franz,

Wie iech mei Liebschoft oagefanga,

Doo braucht`iech kääne Loampe nee,

Iech bin eim Fenstan hiegeganga."

 

Doodruuf sprecht Franz:" Och, lieber Härr,

Doas doocht `iech mer juu eingtlich baale,

Doß Sie kää Licht nee hoan gehoat,

Wie Sie sich suchta ihre Aale!"

 

                                                     Georg Hartmann

 

 

 De Jompfanglocke

 

De Fläscher Ännla ging zum Pfoarr,

Em sich de Trauung zu bestella

On sääte, doß se olls recht schien

On feierlich gemacht hoan wella.

 

Der Pfoarherr freet em doas on jäs

On woas de Annla olles welde,

On ob ma ver der Trauung aa

de Jomfanglocke  lätta sellde.

 

"Sie wissen ja, daß  hier bei uns

Man mit der großen Glocke läutet,

Wenn eine Jungfrau, unberürt,

Zum Traualtare sittsam schreitet." -

 

"Gewiss, Herr Pfoarr," sprecht doo de Braut,

" Sonst kenn mersch juu verlächt aa mescha:

Ma tutt de Gruuße Glocke ziehn

On pimpert mit der klään derzwescha.

 

                                                 Georg Hartmann

 

 

                      Ein seltener Kavalier!!

 

„Ich habe ein sehr galantes Pferd!“, erzählt die Springreiterin stolz.

Sobald wir an ein Hindernis kommen, stoppt es

und lässt mich zuerst hinüber.“

 

                                                                                           Autor unbekannt

 

Der Lehrer Thomas sagte zu Franze:

„ Sehe ich in deinen Hausaufgaben nicht die Handschrift

Deiner Schwester?“-„kann sein, ich habe mir ihren Füller ausgeliehen.

                                                                                           Autor unbekannt

 

Hausmettel

 

Franze ies sost a kerngesonder Moan

On hoot noch nee zom Dokter messa.

Ieber woas ar sich bloß ärgarn koan,

ies doas mit sänn kaala Fissa.

 

Leet ar sich obends hie zor Ruh,

eisezoppakaalt sein do die Bäne.

Viele  Stunda macht ar kä Aage zu;

Oaber halfa koan ar sich nee alläne.

 

Drom gieht ar amol zom Dokter nemm

On derzehlt, woas ihn tutt queela.

Der Dokter mänt, ´s wär holb su schlemm;

Hausmettel kännda doas schon häla.

 

„ Wissen Sie“, mänt der Dokter dann,

wohin ich meine kalten Füße stecke,

wenn ich abends mal nicht schlafen kann?

Ins Bett meiner Frau, unter ihre Decke!“

 

„ Ju, ju“, sät Franz on räuspert sich,

derf ich bloß noch freen doas äne:

Wann hoot Ihre Frau woll Zeit ferr mich

Ols Hausmettel ferr meine Bäne?“

 

                                                      Hermann Günzel

 

Brautnacht

 

Die Huxt ies verbei.-

Zofrieda vom Feste

Striech jed´s siech a Bauch.-

Etz schloofa die Gäste.

 

Bloß ei der Kammer,

do spoannt nooch offs Glecke

´s Brautpoar oam Fanster

Miet sehnsecht´jem Blecke.

 

Sie stiehn datt on boahrn

Die Aacha eis Donkel,-

Gespoannt goar die Oahrn-

Ruut wie a Karfunkel

 

Se sahn iebersch Feld,

ieban Barg off a Himmel

on watta off woas

bes zom Marjagebimmel.-

 

Dann wärma se siech

Die Fisse die kala-

On männ, doaß se wärn

Zom Oaffa gehaala- 

 

On foast schonnt eim Schloof

Do flestarn die Beeda:

„Mir hoan´s doch gehäärt

Vo aala on jeda,

die Brautnacht die wär

die schinnste der Nächte,

oa die Moan on Weib

´s Loabalang dächte. - - -

 

Mier hoan nischt gesaahn

Vo nächtlich´m Zauber!- - -

Na joa, - vielleicht woar´n

Die Fanster nee sauber - - - „

           Johannes Göllner

 

 

Die Geschichte vom Lametta

 

Weinachten naht, das Fest der Feste-

Das Fest der Kinder - das Fest der Gäste.

Da geht es vorher hektisch zu…

Von früh bis Abend keine Ruh -

Ein Hetzen, Kaufen, Proben, Messen -

hat man auch wirklich nichts vergessen…?

 

So ging es mir, nichts  schlimmes  ahnend,

vor ein paar Jahren Heiligabend,

 der noch zudem ein Sonntag war.

Ich saß grad bei der Kinderschar,

da sprach die Frau; „ Tu dich nicht drücken,

du hast heut noch den Baum zu schmücken!“

 

Da Einspruch  meistens mir nichts nützt,

hab kurz darauf ich schon geschwitzt;

den Baum gestutzt, gebohrt, gesägt

und in den Ständer eingelegt.

Dann kamen Kugeln, Kerzen, Sterne

und Krippenfiguren  mit Laterne,

zum Schluss aber - ja Donnerwetter…!

Nirgends fand ich das Lametta!!

 

Es wurde meiner Frau ganz heiß

Und stotternd sprach sie: „ Ja, ich weiß,

im letzten Jahr war´s arg verschlissen -

drum haben wir´s damals weggeschmissen.

Und nun - im Trubel dieser Tage,

bei meiner Arbeit Müh und Plage,

vergaß ich neues zu besorgen!!!

Ich werd was von den  Nachbarn borgen.“

 

Die Nachbarn - links,  rechts, drunter,  drüber-

die hatten kein Lametta über.

Da schauten wir uns an verdrossen –

die Läden waren schon geschlossen!

So sprach ich denn zu meinen Knaben:

„ Hört zu! Wir werden heuer haben

Einen Baum – altdeuscher Stil,

weil – weil mir Lametta nicht gefiel…“

Da gab es Heulen, Schluchzen, Tränen,

und ich gab nach – nach Schmerzvontänen:

„Hört endlich auf mit dem Gemecker -

Ihr kriegt nen Baum mit viel Lametta!“

 

Zwar konnt ich da noch nicht begreifen,

woher ich nehm die Silberstreifen…

Ich ging zur Küche und suchte mein Messer,

da seh ich ne Dose „ Hengstenberg Mildessa“.

Hier liegt die Lösung eingebettet…

Das Weihnachtsfest, es ist gerettet!!!

Schnell wurd der Deckel aufgedreht,

das Kraut gepreßt, so gut es geht -

zum trocknen - einzeln aufgehängt

und dann geföhnt, doch nicht versengt!

Die trocknen Streifen, sehr geblichen,

mit Silberbronze angestrichen -

auf beiden Seiten: Silberkleid!

Oh freue dich, du Cristenheit.

 

Der Christbaum ward einmalig schön,

noch niemals hat man das gesehn.

Zwar rochs süßsauer zur Bescherung:

Geruchlich gabs ne Überquerung,

weil mit Benzin ich wusch  die Hände

mit Nitro reinigte die Wände,

dazu nun Räucherkerz und Myrthe -

der Duft die Menge leicht verwirrte.

Und jeder dachte  still verwundert:

„Hier riechts nach technischem Jahrhundert“

 

„Ne Woche drauf!!!.... Ich saß gemütlich

Im Sessel; las die Zeitung friedlich

Den Bauch voll Feiertage – Rester –

Es war wieder Sonntag und Silvester.

 

Da sprach meine Frau: „Du weißt Bescheid?

Es kommen heut zur Abendzeit

Schulzes, Lehmann und Herr Meier

Zu unserer Silvesterfeier…

Wir werden leben wie die Fürsten –

Es gibt Sauerkraut mit Wiener Würsten!“

 

Ein Schrei ertönt! Entsetzt Sie schaut;

„Am Christbaum hängt mein Sauerkraut….!

Vergessen neues zu besorgen,

ich werd was von den Nachbarn borgen!“

Die Nachbarn – links – rechts – drunter – drüber,

die hatten leider keines über!

Da schauten wir uns an verdrossen,

die Läden warn ja auch geschlossen!!!

 

Und so ward ich mal wieder Retter:

Nahm ab vom Baume das Lametta.

Mit Terpentinöl und Bedacht,

hab ich das Silber abgemacht.

Das Kraut dann gründlich durchgewässert,

mit reichlich Essig aufgebessert,

dazu noch Nelken, Pfeffer, Salz

und Curry, Ingwer Gänseschmalz!

Dann, als das Ganze sich erhitzte –

Das Kraut, es funkelte und blitzte –

Da konnt ich nur nach oben fleehn:

Las diesen Kelch vorüber gehen…

 

Als später dann das Kraut serviert,

ist auch noch folgendes passiert:

Da eine Dame musste niesen,

sah man aus ihrem Näschen sprießen

tausend kleine Silbersterne…

„Machs noch einmal, ich seh´s so gerne…“

So rief man ringsum, hocherfreut -

die Dame selbst, wußt nicht Bescheid.

Franziska Lehmann sprach zum Franz :

„Du, dein Goldzahn hat heut Silberglanz.“

So gabs nach dieser Krautmethode

manch sonderbare Episode““

 

Beim Heimgang sprach ein Gast zu mir:

„Es hat mir gut gefallen hier,

doch wär die Wohnung noch viel netter,

hättst du am Weihnachtsbaum Lametta!!

Ich konnte da gequält nur lächeln

Und mir schnell frische Luft zufächeln.

Ich sprach und klopfte ihm aufs Jäckchen:

„Im nächsten Jahr – da kauf ich hundert Päckchen!“

                                                                                                  Autor  unbekannt

---

 

Für die Schulneulinge zeigt der Stundenplan zum ersten Mal Gesangsstunde.

Der Lehrer nimmt seine Geige zur Hand und stimmt sie. Besonders die Stahl- E- Saite

will nicht gleich sauber klingen. Der Lehrer führt stimmend den Bogen und dreht

suchend den Wirbel. Ein kleiner Mann sieht das mit gespannter Angst und platzt

plötzlich heraus:“ Du, Herr Lähr, Wennste noo lange oan dam Denge drähst, do wird dir

dar Droht ei die Frasse schnoppa!“

 

---

 

                  S` Plakat

Der Heinisch Barb eim Eberdorfe

Baut sich n neua Loada aus

On zieht derweil met sam Gelompe

fer kortze Zeit eis Henderhaus

 

De Kuntschoaft sool natierlich wessa,

Wu sei Gewerbe wätter gieht.

On Heinsch lett a Plakat sich moola,

Of dam ganz deutlich droffe stieht:

 

„Bis zur Beendigung des Umbaus

sind meine Räume umquartiert.

Und meine werten Kunden werden

Einstweilen hinten jetzt rasiert ! “

 

---

 

Wie mer met'm Jauchezuuber zom Järmert fuuhrn

Onsre Gruußmutter wuuhnte a Zeitloang ei Buche, doas gehaarte schuun zo Neirode, oaber de rechteche Stoadt fieng ärscht derhenda oa. De Gruußmutter woar zo dar Zeit nooch restech on gud off a Bäana, On wie's hoalt em Laba ei a Häusan asuu woar, iebers Joahr mußte eem amool de Jauche aus dr Pfetze. Oals de Zeit wieder roa woar, huulte sech de Gruußmutter met em klääna Hoandwäanla onsarn Jauchezuuber, om de Oarbt zo besorja. Dermett's off dr Stroaße met'm Wäänla a beßla leichter giehn sullde, freete se miech: "Kemmste met ziehn halfa? Kriejst a zwee Biema." Doas Oageboot frääte miech, zomoal em de Zeit ei Neirode groade Järmert woar, on iich sääte: "Schuun gud, iich kemme glei rauuß iich muuß mer blooß a poar oandre Loatscha oaziehn." les woar a schien Steckla Wääg, daan mer met onsrer Fuuhre zo giehn hotta, Zoärscht dorch onser Ondadarf on daan nooch dorch hoalb Buche, Oals mer nooch nee loange onderwägs woarn, troaf mer zwee Nockwerweiwer. De freeta ons, wu mer denn met'm Jauchezuuber hie wullda. Gruußmutter blieb glei stiehn on sääte: "Mer foahrn zom Järmert nooch Neirode. Datte well mer de Jauche verkaafa." "Woaoas! Doas gieb's dooch nee!", toata de Weiwer äntsätzt. "Woarem denn nee?", sääte de Gruußmutter, "jedes Fäld muuß Denga hoan, on war kään salba hoat, dar muuß a eem kaafa." "Foahrt iehr werklech dermet zom Järmert?", freeta de Weiwer nooch amool. "Wu sunst denn hie?", goab de Gruußmutter zor Oantwort. Nu toata's de Weiwer glääwa, doaß mer met'm Jauchezuuber zom Järmert wullda."Oaber war kaaft denn glei a goanza Zuuber vuul?", freeta se nu. "Nee, nee," toat Gruußmutter oantworta, "a goanza Zuuber nee. Mer verkaafa ei Tieta, dermet jeder woas oabkriejt." "Asuu woas," sääta de Weiwer, "nu koan ma goar Jauche verkaafa." Oals se wattergegoanga woarn, freete iich de Gruußmutter: "Hoan se doas werklech gegloobt?" De Gruußmutter frääte sech on sääte: "lieh glääwe schuun." Off onsarm Wääje noach Buche hoan mer nooeh mähr Leute getroffa. On jedam sääte de Gruußmutter, doaß mer raet'm Jauchezuuber zom Järmert foahrn. Moanche schettelta met'm Koppe on guckta ons asuu koomesch oa, oals wenn mer nemme rechtech woarn. Oaber Gruußmutter moachte sech nescht draus. Fer se woars a gruußa Spoaß. Oals mer daan ei Buche bei iehr derhääme oagekomma woarn, kriejte iich de zwee Biema. "Doaß de mer dermet blooß nee zom Järmert giehst," sääte de Gruußmutter, "deine Hoosa stenka dooch vum Jauchezuuber, de messa ärscht gewoscha warn." "Joa, joa, iich gie glei hääm." Dann, wu iich luusgeg         oanga woar, ieberleete iich mier's on doachte, a poar Pauanbessa koannst dr ääjentlech fer de zwee Biema kaafa. On asuu koam´s a. A poar Leute rempfta zwoar met dr Noase, wenn iich verbeigiehn toat, doas woar mer oaber ägaal. Der Järmert woar mer wechtecher.

                                                                                                                                                       Erich Linde-nach Paul Keller

---

 

Amool freete a Summerfreschler daan Färschter, woarem denn

Asuu viele Bauda aus Hoolz wäärn.

Doa goab dr Färschter zor  Oantwort:“ De Stääne hoan se oalle

Fer de Bärje uufgebraucht, doa blieb nescht oandres mähr fer de Bauda iebrech.“

 

 

 

A Stoadtweib, doas em Dorfe zo Besuuch woar, freete Seffla:

„Wiviel Geschwister hast du denn?“

Seffla remfte de Noase on sääte: “Sieba Steck.”

Doas Stoadtweib war äntsätzt:” Ach du meine Güte, das kostet aber viel Geld!”

Oaber  Seffla schettelte a Koop:“ Goar nee, de kriej mer oalle emsoste.“

 

 

 

Ääne  Summerfreschleren koam oa em Koartoffelfäld verbei,

wuu dr Pauer groade Forcha ziehn toat.

„ Was sind das für Pflanzen?“, freete se daan Pauer.

„Koartoffan „ goab ar zor Oantwort.

„Aber warum blühen die einen weiß und die anderen blau?“,

freete se nooch amool.

Doa sääte dr Pauer: „Doas ies asuu: de ääna, de waan amool

Pällkoartoffan on de oandarn Broatkoartoffan.

 

 

 

Oals em Summer wieder amool a Gewetter iebers Dorf koam on

Seppla nooch off dr Wiese woar, toat de Mutter ruffa:"Komm ruff, Seppla,

es bletzt !"

" schuun gud", plääkte ar zorecke", iech saah´s doa onda a".

 

 

 

Ei dr Schuule freete dr Laahrer de Kender, woarem ei dr Melch

Fätt drenne ies.

Fritzla woßte glei beschääd  on sääte:" Dermetts beim Malka

nee quitscha tuut.

 

Dr Laahrer schrieb oa de Toafel : " Der Ochse und die Kuh steht

im Stall." Nuu sullda de Kender rausfenda, woas ei dam Soatze  foalsch ies.

Kalle toat sech mälda on sääte vuuller Stools:" Zoärscht suul

emmer de Doame genoannt waan."

nach oben     zurück